經過上幾星期的練習和選拔後，辛苦的環節正式開始。

早上八點， 毅行教室 練習相約在大埔碗窰集合，KK 先講解今日考試課程和規則。我最喜歡聽KK的開場白！

「今日係實習最後一節課，我地除左考實力仲會考品德，跑得幾快幾好，但品德唔好一樣唔收。本課完結後就會有成績，知道誰留誰去。無得留低的朋友，恭喜你脫離苦海！哈哈😆千奇唔好埋怨KK，更加唔好埋怨自己。今年唔得，下年可以再黎，山永遠係到，課堂每年都開。我會同你地鬥長命，只要一日我仲係到，就肯定會帶大家操山。今日考核路線全長30公里，第一圈20k中間無補給，要自己帶夠水。4小時40分鐘內要完成一圈回歸起點。 超過時限不需要再行第二圈了。 若果約左太太要練夠鐘數先可以回家的話， 你可以自己加操再上大帽山。」

接上集，2022年5月29日，是第二節毅行教室的練習課。每節課就像人的成長過程，一樣的課程、一樣訓練方式，但又有不一樣的感受！2018年剛入學「小宇宙」，就是一張白紙，讀書為考試，考完試之後就什麼都不記得了！但今年進入毅行教室，就是出來工作之後幾年，再進修的感覺。